प्रस्तावना
स्थानीय भासांचे उदरगती खातीर राज्य सरकारान उबारिल्ल्या म्हत्वाच्या पावलांक लागून राजभाशा संचालनालयाची स्थापना जाली. प्रादेशीक भासांच्या म्हत्वाची जाण आशिल्ल्यान, राज्य विधानसभेन गोंय, दमण आनी दीव राजभास कायदो, 1987 पारीत केलो, जाचे प्रमाणें देवनागरी लिपयेंत बरयिल्ली कोंकणी भास राज्याची राजभास आसतली आनी मराठी भाशे खातीरूय कायद्यांत तजवीज केल्ली आसा, जाचो वापर सगळ्या वा खंयच्याय प्रशासकी कामां खातीर करूं येता.
आदीं, 1987 वर्सा सावन सरकारान राजभाशा विभाग घडयल्लो जो सर्वसाधारण प्रशासन खातें, गोंय सरकार हांच्या नियंत्रणा खाला आशिल्लो.
1997 वर्सा, तारीख 26/03/1997 ह्या दिसा सरकारी आदेश क्रमांक 23/1/87/GA & C (1) वरवीं राजभाशा संचालनालयाची स्थापना जाली आनी राजभाशा विभागांतल्या सगळ्या कर्मचाऱ्यांक तातूंत आसपावीत केले आनी तारीख 28/08/2003 ह्या दिसा आदेश क्रमांक 5/9/2002/PER हे वरवीं पूर्णकाळ संचालकाची नेमणूक केली, तशेंच 2004-05 वर्सा सावन स्वतंत्र अदमासपत्रकी माथाळो दिलो. ते खातीर, राजभाशा कायदो 1987 आनी राज्यांत चालंत आशिल्ले भासांचे उदरगती खातीर येवजण्यो चालीक लावपाची जापसालदारकी दिवन 2004 वर्सा राजभाशा संचालनालयाची स्थापना जाली.
हें संचालनालय प्रत्यक्षान भौसाच्या संपर्कांत येना. ह्या खात्याचो चडसो वावर आनी पुरोवपी सेवा सरकारी खातीं/एजन्सी वा सरकारी कर्मचाऱ्यां खातीर आसा. राजभाशा तशेंच हेर स्थानीय भासांचे उदरगती खातीर वेगवेगळ्यो येवजण्यो, प्रशिक्षण कार्यावळी राबोवन तशेंच कोंकणींतल्यान शब्दावली तयार करप, संशोधन कार्य आनी हेरां वरवीं राजभाशा संचालनालय आपल्या कामकाजाचो आवाठ वाडयता.
